Observando e di 30 aña di existencia di La Cabana Beach Resort & Casino

Thursday 24th December 2020

ORANJESTAD (AAN): E celebracion di 30 gran aniversario di La Cabana Beach Resort & Casino a tuma luga mey mey di december cu un luncheon special den Chit Chat Café.

Durante almuerso, un ceremonia di reconocemento a tuma luga na unda a anuncia nominadonan y ganadornan di e titulonan di Empleado di Aña, Supervisor di Aña, Team di aña y Manager di aña.

Durante ultimo decadanan, e reconocementonan aki a worde celebra den grandi cu banketenan luhoso y fiestanan di baile, pero mirando cu 2020 ta un aña excepcional, e ceremonia a worde organiza paden, anto a conta cu presencia di tur empleado y miembronan di gerencia.

Den su discurso prome cu e ceremonia, General Manager Joe Najjar a comparti su orguyo di marcando 30 aniversario di La Cabana, para firme pa 30 aña di vacacionnan memorabel, disfruta por medio di tres generacion di fiel doñonan cu ta haci nan resort nan di dos hogar.

El a gradici su team pa 30 aña di dedicacion y pasion, gradiciendo empleadonan cu a traha dia y anochi, 365 dia pa aña, brindando e experiencianan di vacacion aki na nos bishitantenan, lagando nan sinti special y aprecia. Cu un aumento den optimismo, el a bisa, hunto cu su team dinamico na su banda, el a expresa cu gran speranza pa un futuro briyante na caminda, y un 2021 saludabel y contento.

Mientras deseando team di La Cabana y su board di directornan cu ta traha asina duro un feliz dianan di fiesta, Najjar tambe a reconoce e esfuerso extra cu a worde inverti den enfrenta 2020 y retonan cu lockdown y restart di Covid19 a trece cu ne.

Assistant General Manager, Jessica Franken, hunto cu Najjar a reconoce y aprecia e grupo remarcabel di individuonan kende a yuda e resort durante e prome serie di lockdown, di Maart pa Mei, hunto cu e soft opening di e isla den Mei, sigui pa e regreso di turismo den Juli.

Mas despues durante e atardi aki, e parking lot parti pazuid di e resort tabata tin un actividad na unda empleadonan a colecta regalonan tradicional di pasco manera un ham, manera e piesa central di nan cuminda di pasco.

Un cena special a worde sirbi na Chit Chat Café durante oranan di anochi, pa empleadonan trahando e shift di atardi. Riba e siguiente dia, empleadonan a disfruta di un wega di KAHOOT cu premionan y sorpresanan, anto a ricibi cantidad di regalo durante Christmas Raffle anual.

Pabien Stephanie Maduro, Empleado of the Year; Amaris Werlemans, Manager of the Year; Gareth Rosa, Supervisor of the Year; and Team of the Year, di e departamento di Recursonan Humano.

Source
We use cookies and other tracking technologies to improve your browsing experience on our website, to show you personalized content and targeted ads, to analyze our website traffic, and to understand where our visitors are coming from. By browsing our website, you consent to our use of cookies and other tracking technologies. View more
Agree & Continue